Almaty qalasynyń ákimi Baqytjan Saǵyntaev megopolistiń álemniń úzdik qalalary reitingine ený josparlary týraly aitty, dep habarlaidy "Ult aqparat".
«Almaty qalasynyń uzaqmerzimdi maqsaty – ómir sapasy boiynsha álemdegi úzdik 100 qalanyń qataryna kirý. Bul – naqty maqsat. Óitkeni, 2019 jyly Almaty Mercer's Quality of living survey reitinginde 177-orynda tur», - dedi Baqytjan Saǵyntaev ál-Farabi atyndaǵy QazUÝ-da «Almaty-2050» jobasynyń tanystyrylymy barysynda.
Ákim álemdegi TOP megapolister reitingine kirý jeke maqsat emes ekenin atap ótti. Bul qadam Almatyny qarjy, taýarlar, kásibi qyzmetter men aqparattar aǵymyna qyzmet etetin jahandyq tolyqqandy halyqaralyq habqa ainaldyrý úshin qajet.
«Qala Ortalyq Aziia keńistigindegi iskerlik jáne halyqaralyq bailanystar ortalyǵy bolýy kerek. Osyndai halyqaralyq deńgeidegi integratsiialanǵan qalanyń joly aiqyn. Álemdik reitingterdiń ólshemderi men kórsetkishteri belgili. Biz aldymyzǵa úlken mindet qoidyq – halyqaralyq reitingterde baǵalanatyn jahandyq qalalardyń álemdik júiesindegi Almatynyń ornyn nyǵaitý», - dedi ákim.
