Almaty ákiminiń birinshi orynbasary Erlan Qojaǵapanov onlain brifing barysynda qala turǵyndarynyń kóptegen saýalyna jaýap berdi, dep habarlaidy "Ult aqparat".
Qala ákiminiń orynbasary qala turǵyndarynyń izdegen zaty jaqyn dúkende bolmaǵan jaǵdaida ne isteý kerektigin túsindirdi.
«Sýpermarketke barýǵa bolady. Eger óte qajet jaǵdai bolsa, bekette turǵan adamdar robot emes. Olar da túsinedi, eger qajettiligine kóz jetkizgen jaǵdaida olar jiberedi. Bul endi tutyný qajettiligine bailanysty. Keibir adamdar sýsabynnyń keibir túrleri, et, kofe taǵy basqa azyq-túlikti almai, 20-21 kún shydap tura tursa da bolady», - dedi ákimniń birinshi orynbasary.
Onyń aitýynsha, shtab ókilderi halyqaralyq tájiribeni eskerip otyr.
«Keibir elderde adamdarǵa tamaqty áskeriler tasidy. Bir pakette nan, sý, 1 paket shai bar. Eń basty shart – inkýbatsiialyq kezeńdi shydap úide ótkizý», - dedi E.Qojaǵapanov.
Erlan Qojaǵapanov karantin kezinde jeke kólikti paidalanýǵa tyiym salynǵanyn aitty.
