الماتى ەكٸمٸنٸڭ بٸرٸنشٸ ورىنباسارى ەرلان قوجاعاپانوۆ ونلاين بريفينگ بارىسىندا قالا تۇرعىندارىنىڭ كٶپتەگەن ساۋالىنا جاۋاپ بەردٸ, دەپ حابارلايدى "ۇلت اقپارات".
قالا ەكٸمٸنٸڭ ورىنباسارى قالا تۇرعىندارىنىڭ ٸزدەگەن زاتى جاقىن دٷكەندە بولماعان جاعدايدا نە ٸستەۋ كەرەكتٸگٸن تٷسٸندٸردٸ.
«سۋپەرماركەتكە بارۋعا بولادى. ەگەر ٶتە قاجەت جاعداي بولسا, بەكەتتە تۇرعان ادامدار روبوت ەمەس. ولار دا تٷسٸنەدٸ, ەگەر قاجەتتٸلٸگٸنە كٶز جەتكٸزگەن جاعدايدا ولار جٸبەرەدٸ. بۇل ەندٸ تۇتىنۋ قاجەتتٸلٸگٸنە بايلانىستى. كەيبٸر ادامدار سۋسابىننىڭ كەيبٸر تٷرلەرٸ, ەت, كوفە تاعى باسقا ازىق-تٷلٸكتٸ الماي, 20-21 كٷن شىداپ تۇرا تۇرسا دا بولادى», - دەدٸ ەكٸمنٸڭ بٸرٸنشٸ ورىنباسارى.
ونىڭ ايتۋىنشا, شتاب ٶكٸلدەرٸ حالىقارالىق تەجٸريبەنٸ ەسكەرٸپ وتىر.
«كەيبٸر ەلدەردە ادامدارعا تاماقتى ەسكەريلەر تاسيدى. بٸر پاكەتتە نان, سۋ, 1 پاكەت شاي بار. ەڭ باستى شارت – ينكۋباتسييالىق كەزەڭدٸ شىداپ ٷيدە ٶتكٸزۋ», - دەدٸ ە.قوجاعاپانوۆ.
ەرلان قوجاعاپانوۆ كارانتين كەزٸندە جەكە كٶلٸكتٸ پايدالانۋعا تىيىم سالىنعانىن ايتتى.
