Erjan Babaqumarov QR Prezidenti janyndaǵy "Ortalyq kommýnikatsiialar qyzmeti" respýblikalyq memlekettik mekemesiniń direktory bolyp taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimi boiynsha, Erjan Jalbaquly Babaqumarov Qazaqstan Respýblikasynyń Prezidenti janyndaǵy "Ortalyq kommýnikatsiialar qyzmeti" respýblikalyq memlekettik mekemesiniń direktory bolyp taǵaiyndaldy", - delingen Jarlyqta.
Sondai-aq, Prezident Ókimimen bul qyzmette bolǵan Rýslan Qanathanuly Álishev "Ortalyq kommýnikatsiialar qyzmeti" respýblikalyq memlekettik mekemesiniń direktory laýazymynan bosatyldy.
Babaqumarov Erjan Jalbaquly 1969 jyly 2 naýryzda dúniege kelgen. 1991 jyly Ál-Farabi atyndaǵy Qazaq ulttyq ýniversitetin bitirgen. Saiasi tarih pániniń oqytýshysy. Saiasattaný ǵylymdarynyń kandidaty. QR Saiasi ǵylymdar akademiiasynyń akademigi.
Eńbek jolyn 1995 jyly Qazaqstan damý institýtynyń ishki saiasat bóliminiń meńgerýshisi, áleýmettik-saiasi zertteýler ortalyǵynyń direktory laýazymynan bastaǵan.
1996 jyly Almaty qalasy ákimi apparatynyń ishki saiasat bóliminiń bas mamany bolyp jumys istedi.
1996-2006 jyldar aralyǵynda Qazaqstan Respýblikasy Prezidenti Ákimshiliginiń aǵa referenti, keńesshi, sektor meńgerýshisi, ishki saiasat bólimi meńgerýshisiniń orynbasary, Áleýmettik-saiasi bóliminiń bas inspektory, ishki saiasat basqarmasynyń aqparattyq-taldaý ortalyǵynyń meńgerýshisi, aqparattyq-taldaý ortalyǵynyń meńgerýshisi qyzmetterin atqardy.
2006-2008 jyldary QR Mádeniet, aqparat jáne sport vitse-ministriniń mindetin atqarýshy, QR Mádeniet jáne aqparat vitse-ministri, jaýapty hatshysy boldy
2008-2012 jyldary - QR Premer-Ministri Keńsesi Basshysynyń orynbasary.
2012-2016 jyldary - QR Prezidenti janyndaǵy "Ortalyq kommýnikatsiialar qyzmeti" RMK direktory.
2016-2018 jyldary - QR Premer-Ministri Keńsesi Basshysynyń orynbasary. 2018-2019 jyldary - QR Prezidenti Ákimshiliginiń Taldaý jáne boljaý ortalyǵynyń meńgerýshisi.
2019 jylǵy sáýir-shilde aralyǵynda QR Prezidentiniń keńesshisi boldy.
2019 jyldyń shilde aiynan bastap Almaty qalasy ákiminiń orynbasary bolyp taǵaiyndaldy.
"Qurmet" (2005) jáne "Parasat" (2017) ordenderimen marapattalǵan.
