Almaty qalasynda sońǵy aida JRVI men pnevmoniiaǵa shaldyqqandar sany 5 ese artty. Shahar ákimi Baqytjan Saǵyntaev muny epidemiia kórinisi retinde qarastyryp otyrǵanyn aitty, dep habarlaidy "Ult aqparat".
«Almatyda búginde koronavirýstyń taralýyna bailanysty qalalyq densaýlyq saqtaý júiesiniń barlyq múmkin resýrstary jumyldyryldy. Juqpaly jáne provizorlyq statsionarlardan bólek, negizgi salmaq alǵashqy meditsinalyq-sanitarlyq kómek qyzmetine júkteldi. Búgingi qalyptasqan jaǵdaida «virtýaldy juqpaly aýrýlar aýrýhanasy» ashyldy. Emhanalarda COVID-19 diagnozy rastalǵan jáne simptomdary bar patsientterdi monitoringileý boiynsha mobildi brigadalar quryldy. Asfendiiarov medýniversitetimen birlesip, Kardiologiia jáne ishki aýrýlar ǴZI bazasynda patsientterge monitoring júrgizetin ortalyq ashtyq. Bul bizge ambýlatorlyq deńgeide, ásirese qarttar arasyndaǵy asqynýlardy azaitýǵa múmkindik beredi», - dep jazdy B.Saǵyntaev Instagram-da.
Ákimniń aitýynsha, tek sońǵy aida qalada JRVI men pnevmoniia aýrýlarynyń sany 5 ese ósken.
«Muny epidemiianyń kórinisi retinde qarastyryp otyrmyz. Bul rette, jedel járdem qyzmetine júginýshilerdiń sany kúrt kóterilgen. Maýsym aiynda táýligine 4 myńǵa deiin qońyraý túsken. Táýligine bir brigada 19 qońyraýǵa shyǵady», - dedi ákim.
Buǵan deiin Almatyda Halyk arena jáne Almaty Arena sport nysandary koronavirýsqa shaldyqqandardy qabyldaityn infektsiialyq statsionarǵa ainalatynyn jazǵan bolatynbyz.
