Qala ákimi Baqytjan Saǵyntaev Ortalyq kommýnikatsiialar qyzmetinde ótken brifingide megapoliste qalyptasyp jatqan sanitarlyq-epidemiologiialyq jaǵdai týraly aitty, dep habarlaidy "Ult aqparat".
Almaty ákimi keltirgen málimetke sáikes, qalada koronavirýs indetin juqtyrǵan 16 534 jaǵdai tirkelgen (100 myń turǵynǵa shaqqanda 828,13), sonyń ishinde 10 004-i simptomdy, al 6530-y simptomsyz. Altynshy jeltoqsan kúni 67 KVI juqtyrǵan. Sonyń ishinde 53 jaǵdai simptomdy, 14 jaǵdai simptomsyz. Pnevmoniiamen aýyrǵan 6 jaǵdai tirkeldi.
«Almaty qalasy 2 jeltoqsannan bastap «jasyl» aimaqqa endi. Jaǵdai qarasha aiynda koronavirýs infektsiiasynyń taralýyna yqpal etetin faktorlardy beitaraptandyrý, qoldanystaǵy karantin sharalaryn saqtaý jáne ony baqylaýdy kúsheitý arqyly turaqtandyrdyq», - dep atap ótti Almaty ákimi Baqytjan Saǵyntaev.
Almaty qalasynda KVI aýrýynyń ósýi qazan aiynda bastaldy. Eger qyrkúiek aiynda juqtyrýshy sany 165 jaǵdaidy kórsetse, qazan aiynda qaýipti indetke shaldyqqandar sany 366-ǵa jetti. Qarashada 1 399 jaǵdai tirkeldi, qazan aiymen salystyrǵanda aýrý juqtyrý 3,8 esege ósken.
Táýliktegi ósim — 0,4%, reprodýktivti sany — 0,98.
Halyqtyń KVI-ge neǵurlym beiim kontingenti — 20-dan 60 jasqa deiingi azamattar, olar qarasha aiynda naýqastardyń 60%-yn qurady:
- 14 jasqa deiin — 9% (126 jaǵdai);
- 15–19 jas — 4% (54);
- 20–39 jas — 32% (451);
- 40–59 jas — 29% (408);
- 60 jastan joǵary — 26% (360).
KVI juqtyrýdyń negizgi ortasy: – aýrý juqtyrýshynyń otbasy múshelerimen bailanysy – 35% (491 jaǵdai);
– naýqaspen jumys nemese oqý orny boiynsha bailanys – 3% (37 jaǵdai);
– shet elderden jáne QR óńirlerinen ákelý –6% (78 jaǵdai).
Infektsiiany juqtyrýdyń yqtimal oryndary:
– dúken, dárihana, SOO-ǵa, qoǵamdyq tamaqtaný oryndaryna barý –22% (306 jaǵdai);– bazarǵa barý – 12% (167 jaǵdai);
– meditsinalyq uiymdarǵa barý – 6% (80 jaǵdai);
– qoǵamdyq kólikti paidalaný – 16% (228 jaǵdai);
– otbasylyq is-sharalarǵa qatysý 1% (12 jaǵdai).
