Almatydaǵy epidemiologiialyq ahýalǵa arnalǵan onlain baspasóz konferentsiiasynda qala ákimi densaýlyq saqtaý júiesiniń koronavirýs infektsiiasynyń úshinshi tolqynyna daiyn ekenin aitty, dep habarlaidy QazAqparat.
Jýrnalisterdiń suraqtaryna jaýap bergen Almaty ákimi Baqytjan Saǵyntaev ótken jyly densaýlyq saqtaý infraqurylymyn nyǵaitý úshin qabyldanǵan sharalar týraly aitty.
«Búginde qalada 3 eshelonǵa bólingen 7 myń infektsiialyq tósek-oryn bar, onyń ishinde - 5 myń kereýet. Olardyń júktemesi 54%. Qazirgi ýaqytta infektsiialyq aýrýhanalarda 350 jaǵdaiy aýyr nasqas bar. Onyń 46-synyń jaǵdai óte aýyr. 6 naýqas ÓJJ apparatyna qosylǵan. Invazivti emes apparatta jáne HighFlo-da - 89 naýqas.
Statsionarlarda 420 jansaqtaý orny bar, olardyń júktemesi 34% (152 naýqas)», - dedi qala ákimi.
Megapolistiń tórt myńǵa jýyq patsienti ambýlatoriiada emdelip júr. Osy ýaqyt aralyǵynda úidegi naýqastarǵa 409 mobildi top pen telemeditsina ortalyǵy emdeý boiynsha kómek kórsetti.
«Qazirgi ýaqytta COVID-19-ben kúresýge 8 500 meditsina qyzmetkeri qatysýda. Rezervte 2 758 meditsinalyq maman bar. Almatyda 25 PTR zerthanasy bar, olardyń barlyǵy jumys kúni de, demalys kúni de qabyldaýǵa daiyn. Barlyq zerthanalardyń táýliktegi qýaty - 14 500 synaq, biraq olardy 24 myńǵa deiin kóbeitýge múmkindik bar»,- deidi qala basshysy.
Almaty ákimi maska rejimi men áleýmettik ara qashyqty qatań saqtaý kerektigin eske saldy. Sondai-aq, qala turǵyndaryn adam kóp shoǵyrlanǵan jerge barýdan bas tartýǵa shaqyrdy.
