الماتىداعى ەپيدەميولوگييالىق احۋالعا ارنالعان ونلاين باسپاسٶز كونفەرەنتسيياسىندا قالا ەكٸمٸ دەنساۋلىق ساقتاۋ جٷيەسٸنٸڭ كوروناۆيرۋس ينفەكتسيياسىنىڭ ٷشٸنشٸ تولقىنىنا دايىن ەكەنٸن ايتتى, دەپ حابارلايدى قازاقپارات.
جۋرناليستەردٸڭ سۇراقتارىنا جاۋاپ بەرگەن الماتى ەكٸمٸ باقىتجان ساعىنتاەۆ ٶتكەن جىلى دەنساۋلىق ساقتاۋ ينفراقۇرىلىمىن نىعايتۋ ٷشٸن قابىلدانعان شارالار تۋرالى ايتتى.
«بٷگٸندە قالادا 3 ەشەلونعا بٶلٸنگەن 7 مىڭ ينفەكتسييالىق تٶسەك-ورىن بار, ونىڭ ٸشٸندە - 5 مىڭ كەرەۋەت. ولاردىڭ جٷكتەمەسٸ 54%. قازٸرگٸ ۋاقىتتا ينفەكتسييالىق اۋرۋحانالاردا 350 جاعدايى اۋىر ناسقاس بار. ونىڭ 46-سىنىڭ جاعداي ٶتە اۋىر. 6 ناۋقاس ٶجج اپپاراتىنا قوسىلعان. ينۆازيۆتٸ ەمەس اپپاراتتا جەنە HighFlo-دا - 89 ناۋقاس.
ستاتسيونارلاردا 420 جانساقتاۋ ورنى بار, ولاردىڭ جٷكتەمەسٸ 34% (152 ناۋقاس)», - دەدٸ قالا ەكٸمٸ.
مەگاپوليستٸڭ تٶرت مىڭعا جۋىق پاتسيەنتٸ امبۋلاتورييادا ەمدەلٸپ جٷر. وسى ۋاقىت ارالىعىندا ٷيدەگٸ ناۋقاستارعا 409 موبيلدٸ توپ پەن تەلەمەديتسينا ورتالىعى ەمدەۋ بويىنشا كٶمەك كٶرسەتتٸ.
«قازٸرگٸ ۋاقىتتا COVID-19-بەن كٷرەسۋگە 8 500 مەديتسينا قىزمەتكەرٸ قاتىسۋدا. رەزەرۆتە 2 758 مەديتسينالىق مامان بار. الماتىدا 25 پتر زەرتحاناسى بار, ولاردىڭ بارلىعى جۇمىس كٷنٸ دە, دەمالىس كٷنٸ دە قابىلداۋعا دايىن. بارلىق زەرتحانالاردىڭ تەۋلٸكتەگٸ قۋاتى - 14 500 سىناق, بٸراق ولاردى 24 مىڭعا دەيٸن كٶبەيتۋگە مٷمكٸندٸك بار»,- دەيدٸ قالا باسشىسى.
الماتى ەكٸمٸ ماسكا رەجيمٸ مەن ەلەۋمەتتٸك ارا قاشىقتى قاتاڭ ساقتاۋ كەرەكتٸگٸن ەسكە سالدى. سونداي-اق, قالا تۇرعىندارىن ادام كٶپ شوعىرلانعان جەرگە بارۋدان باس تارتۋعا شاقىردى.
