Almaty ákimi Baqytjan Saǵyntaev №17-shi qalalyq emhanada bolyp, alǵashqy meditsinalyq-sanitarlyq kómektiń KVI indetiniń jańa tolqyny jaǵdaiyna qalai beiimdeletinin tekserdi, dep habarlaidy "Ult aqparat" qala ákiminiń baspasóz qyzmetine silteme jasap.
№17-shi emhanada taza jáne «las» aýmaqtar arnaiy bólingen, filtr men baqylaý posty ornatylǵan. Emdelýge jatqyzylatyn nemese tekserýden ótetin JRVI belgileri bar syrqattar, balalar, júkti áielder aralaspaidy. Burynǵydai dálizde birge turmaidy. Olar úshin jeke protsedýralyq jáne zerthanalyq kabinet, kiretin, shyǵatyn oryndar uiymdastyrylǵan. Maqsat – virýstyń aýrýhana ishinde taralýyna jáne qyzmetkerlerdiń virýsty juqtyrýyna jol bermeý.
№17-shi emhanaǵa Bostandyq aýdanynyń 82 myń turǵyny tirkelgen. Olardyń 28 myńǵa jýyǵy sozylmaly aýrýy bolǵandyqtan dispanserlik esepte turǵandar, bulardyń arasynda qan qysymyna, qant diabetine, júrektiń ishemiialyq aýrýyna shaldyqqan naýqastar bar.
Almaty ákimi B. Saǵyntaev «táýekel tobyndaǵylarǵa» jete nazar aýdarýdy tapsyrdy, óitkeni olar KVI juqtyratyn bolsa, jaǵdaiy nasharlap, syrqat asqynýy múmkin.
Qalanyń barlyq emhanalary basshylaryna PIK-termen qosa qajetti aqparat jazylǵan nusqaýlyq taratý tapsyryldy, munda JRVI belgisi paida bolǵan kezde kimderge júginý kerektigi kórsetilgen.
Búgingi kúni quramynda emhanalardyń 40 mamany bar 16 mobildi top ambýlatoriialyq em alyp jatqan naýqastardyń jaǵdaiyn baqylaýǵa alǵan. Qazirgi kezde KVI-den saýyǵyp shyqqan 8 adam, syrqaty jeńil bireý jáne 18 simptomsyz naýqas esepte tur.
Jalpy, qalada 74 alǵashqy meditsinalyq-sanitarlyq kómek uiymy jumys jasaidy, olardyń 39-y memlekettik, bularǵa shamamen 1,7 mln adam tirkelgen. Al 35 jeke uiymdarǵa tirkelgeni 340 myń adamǵa jýyq. Indet sharyqtaǵakn kezde, 15 maýsymnan 15 shilde aralyǵynda 2450 virýs juqtyrýshy úide, dárigerlerdiń baqylaýynda em aldy. Qazir bulardyń sany 825 naýqas. Quramynda 925 dáriger bar 300 mobildi toptar quryldy. Indettiń jańa tolqynyna daiyndyq barysynda bul resýrstar eki esege artatyn bolady.
