Almaty ákimi Baqytjan Saǵyntaev Almaty telearnasyndaǵy tikelei efirde Abai kóshesin sozý qashan aiaqtalatynyn aitty, dep habarlaidy "Ult aqparat".
«Biz belgili bir jumystardy atqaryp boldyq. Alaida, ol jerde óte kóp kólemde súrý jumystaryn júrgizý kerek eken. Sot otyrystary da ótti, keibir jerlerdi qarjylandyrýǵa qarajat jetpedi. Kelesi jyly qarjylandyrý máselesin qaita qarap, oń sheshimin taptyq», - dedi Akimat Live efirinde qala ákimi.
Onyń aitýynsha, bul jobalarǵa qarajat tek jergilikti biýdjetten ǵana emes, respýblikalyq biýdjetten de bólinedi.
«Abai kóshesin sozýdy keler jyldyń sońyna deiin aiaqtaityn bolamyz. Bul basqa kóshelerdegi júktemeni azaitýǵa kómektesedi», - dedi ákim.
