Almatyda teatrlar men kontsert zaldarynda qoiylym kórsetýge tyiym salynǵan. Bul týraly qalalyq Taýarlar men qyzmetterdiń sapasy men qaýipsizdigin baqylaý departamenti málimdedi, dep habarlaidy "Ult aqparat".
Departament qala kóshelerindegi spektakl premeralary týraly afishalardyń shyǵýyna bailanysty túsinik berdi.
«Almaty qalasynyń bas memlekettik sanitarlyq dárigeriniń «Karantindik shekteý sharalaryn birtindep jeńildetý týraly» 15.08.2020 jylǵy №56 qaýlysyna sáikes, barlyq mádeni nysandarynyń (teatrlar, kontsert zaldary, murajailar, kórmeler jáne t.b.) qyzmetine tyiym salyndy. Búginde Almaty qalasynyń Bas memlekettik sanitarlyq dárigeriniń 31.08.2020j. №59 «Almaty qalasynyń Bas memlekettik sanitarlyq dárigeriniń 15.08.2020 jylǵy №56 qaýlysyna ózgerister engizý týraly» mádeniet obektileriniń (30 adamnan aspaityn jeke, toptyq jattyǵýlar), kitaphanalardyń, murajailardyń qyzmetine ruqsat berildi. Iaǵni, teatrlar, mádeni nysan bolǵandyqtan jattyǵýlarǵa ruqsat etiledi, biraq resmi premeralar men kórermender qatysatyn qoiylymdarǵa ruqsat etilmeidi. Bas memlekettik sanitarlyq dárigerdiń qaýlysy, barlyq jeke jáne zańdy tulǵalarǵa, kásipkerlik sýbektiler úshin uiymdastyrý-quqyqtyq nysany men vedomstvolyq baǵynystylyǵyna qaramastan mindetti bolyp tabylady», - dedi departamentten.
Mamandardyń aitýynsha, qaladaǵy koronavirýs infektsiiasynyń epidemiologiialyq jaǵdaiy turaqtandy. Biraq, áli de saqtyq sharalaryn qabyldaýdy qajet etedi. Bul shara aýrý kórsetkishterin eskere otyryp jańa infektsiialyq jaǵdailardyń tirkelýine jol bermeý maqsatynda engizildi. Kórermenderdiń teatrlar men kinoteatrlarda, jabyq keńistikte 1 saǵat nemese odan da kóp ýaqyt bolǵany da eskerildi.
