Foto: Qala ákimdiginiń baspasóz qyzmeti
Almaty ákimdigi qala turǵyndary men jurtshylyq ókilderine ÚAK arqyly ótetin Seifýllin kópirinde júrgizilip jatqan jumystardy túsindirdi. Sonymen, áleýmettik jelilerde taraǵan tutas granitti tastardyń joiylǵandyǵy týraly aqparat shyndyqqa janaspaidy. Profildik basqarmanyń habarlaýynsha, tek apattyq qaptaý fragmentteri ózgeredi, al 1980 jyldardan beri saqtalǵan sapaly granit jabyny ornynda qalady.
Seifýllin dańǵylynyń Úlken Almaty kanalymen (ÚAK) qiylysyndaǵy kópir ótken ǵasyrdyń 80-jyldarynda salynǵan. Sodan beri bul kópir qurylysy boiynsha jóndeý jumystary júrgizilgen joq. Ár jyldary aǵymdaǵy jóndeý aiasynda synǵan, tozǵan plitalardy ishinara, bólshektep qalpyna keltirý jumystary júrgizildi.
Kópirdiń qaptamasynda materialdyń eki túrli túri qoldanylatynyn atap ótken jón: oń jaǵynda – granitti tastar, sol jaǵynda – Seifýllin dańǵylynyń júrý bóliginde – qalyńdyǵy 20 mm kesilgen granit plitalary.
Beti jyltyr, jaqsy saqtalǵan bútin granitti tastar aýystyrylmaidy: olardy tazalaý jáne tegisteý úshin alyp tastaidy, sodan keiin olar osy ýchaskede qaita paidalanýǵa jáne ornatýǵa jatady. Saitta kózben sholyp qaraý kezinde baspaldaq jiekterinde plitalarynyń ydyraýyna qatysty aqaýlar anyqtalǵany, tirek qabyrǵalarynda jáne qurylymnyń ózinde granit plitalarynyń qabyrshaqtanýy baiqalǵany atap ótildi. Munyń bári jaiaý júrginshilerdiń qaýipsizdigine qaýip tóndirdi. Jóndeý jumystary aiasynda bul plitalar da tazartylyp, bastapqy qalpyna keltiriledi.
Seifýllin dańǵylynyń qozǵalys bóliginiń qaptaý úshin qoldanylatyn qalyńdyǵy 20 mm kesilgen jalpaq granit plitalaryna keletin bolsaq: búgingi kúni olarda aqaýlar men úgindiler bar. Bul plitalar uqsas plitalarǵa aýystyrylady. Bólshektelgen jáne aýystyrylǵan plitalardyń jalpy sany 25%-dan aspaidy.
Sonymen qatar, áleýmettik jelilerde taraǵan jańa materialdardyń sapasyz ekeni jóninde taraǵan shyndyqqa janaspaityn aqparatqa qatysty mynany habarlaimyz: Ornatylatyn granit plitalarynda memlekettik tehnikalyq retteý júiesiniń derekter tiziliminde tirkelgen sáikestik sertifikaty bar. Osy sertifikat tiisti túrde sáikestendirilgen árleý plitalary – granitten («Jeltaý», «Maikól» jáne «Jalǵyz-5» ken oryndary) jasalǵandyǵyn rastaidy.
Jumystardy biyl shilde aiynyń sońyna deiin aiaqtaý josparlanýda.
Kópirdi jóndeý jaiaý júrginshilerdiń qaýipsizdigin qamtamasyz etý maqsatynda Túrksib aýdany turǵyndarynyń jeke ótinishteri boiynsha júrgiziledi.
Sonymen qatar aǵymdaǵy jyldyń 10 shildesinde Almaty qalalyq mobildilik basqarmasy ÚAK arqyly Seifýllin kópirin jóndeýge arnalǵan BAQ ókilderi úshin arnaiy baspasóz týryn ótkizedi.
