Almaty politsiiasy kóshede ólip qalǵan itterge qatysty pikir bildirdi, dep habarlaidy "Ult aqparat".
Video facebook jelisinde jariialandy.
Videoda Pýshkin kóshesinde 5-6 ittiń jatqany jáne olardyń aýyryp jatqanyn bolmasa ólip qalǵan bolýy múmkin ekeni aitylady.
Bul videoǵa qatysty qalalyq Kásipkerlik pen investitsiialyq damý basqarmasynyń ókilderi túsinik berdi.
«Áleýmettik jelidegi aqparatqa sáikes qalalyq Veterinarlyq qyzmet ókilderi men basqarmanyń veterinarlyq dárigeri jedel túrde oqiǵa ornyna bardy. Olar kelgende janýarlar oqiǵa ornynda bolmaǵan. Al kósheniń boiynda sý quiylǵan plastik konteinerler men tamaq salynǵan ydystar tabyldy. Jergilikti turǵyndardyń aitýynsha, adamdar qańǵyp júrgen itterge tamaq bergen-mis. Jaǵdai taǵy da baqylanyp jatyr», - dedi basqarmadan.
Aita ketý kerek, munyń aldynda oqyrmandar ortalyq saiabaqta zararsyzdandyrý jumystarynan soń kepterler qyrylyp jatqanyn aityp shaǵymdanǵan edi.
Al odan keiin ákimdik zararsyzdandyrý quraldarynyń qaýipsiz ekendigin alǵa tartqan bolatyn .
