Almaty ákimdigi Family Park saiabaǵynyń ornyna turǵyn úi keshenderi nemese ózge de nysandar salynady degen aqparatty joqqa shyǵardy, dep habarlaidy ult.kz.
Ákimdiktiń málimetinshe, bul aqparat shyndyqqa sáikes kelmeidi.
Qalanyń Bas jospary men egjei-tegjeili josparlaý jobasyna sáikes, Family Park qoǵamdyq demalys aimaǵy mártebesin saqtaidy. Sondai-aq onyń nysanaly maqsatyn ózgertý máselesi qarastyrylmaidy.
Ákimdiktiń túsindirýinshe, qazirgi ýaqytta tek saiabaq aýmaǵyn keshendi jańartý, kóriktendirý jáne jańǵyrtý jumystaryn júrgizý maqsatynda ony memlekettik basqarýǵa qaitarý máselesi qaralyp jatyr.
Vedomstvonyń málimetinshe, jańǵyrtý jumystary aiaqtalǵannan keiin Family Park qala turǵyndary men qonaqtary úshin zamanaýi, qaýipsiz ári jaily qoǵamdyq demalys orny retinde jumysyn jalǵastyrady.
Osylaisha, ákimdik saiabaq aýmaǵynda turǵyn úi keshenderin nemese basqa da qurylys nysandaryn salý josparda joq ekenin taǵy bir márte málimdedi.
