Almaty ákimdigi áleýmettik jelide radikaldy uiymdardyń yqpalyna túsýden saq bolýdy eskertti, dep habarlaidy QazAqparat.
Osy maqsatta qalalyq Qoǵamdyq damý basqarmasy avtomattandyrylǵan júieni qoldana otyryp, destrýktivti dini ideologiiany nasihattaýy múmkin degen toptardy anyqtaý úshin internet keńistikke monitoring júrgizip keledi.
Dini ekstremizm men terrorizmniń aldyn alý boiynsha keshendi is-sharalar josparyn júzege asyrý maqsatynda biyl osy tektes toptarda bolǵan 5 myńnan astam adamǵa túsindirý jumystary júrgizildi.
Áńgime barysynda aiqyn bolǵandai, olardyń kópshiligi osyndai toptarda dini radikaldy ideologiia nasihattalatynyn bilmegen.
Júrgizilgen túsindirý jumystarynyń arqasynda barlyq qoldanýshylar kúmándi toptardan shyǵyp ketti.
Qoǵamdyq damý basqarmasy dini sipattaǵy aqparatty izdegen adamdarǵa tek qana resmi tirkelgen dini birlestikterge júginýdi usynady.
«Eger siz radikaldy ideologiiany úgitteý jáne taratý faktisine tap bolsańyz, bul jaǵdai týraly Almaty qalasynyń qoǵamdyq damý basqarmasyna nemese qalalyq politsiia departamentine habarlai alasyz» dedi qalalyq Qoǵamdyq damý basqarmasynan.
