Almaty ákimi Baqytjan Saǵyntaev esepti kezdesýinde qala ákimdigi áleýmettik mańyzy joǵary baǵyttaǵy marshrýttardy sýbsidiialaýdy toqtatpaitynyn málimdedi, dep habarlaidy QazAqparat.
«Bizdiń basty maqsatymyz - jol aqysynyń tarifin kóterýge tosqaýyl qoiý. Sondyqtan 2021-2022 jyldary orta eseppen jol aqysy 200 teńge bolǵan kezde 154 áleýmettik mańyzy bar marshrýtqa 40 mlrd teńge sýbsidiia bólinedi», - dedi Baqytjan Saǵyntaev.
2019 jyly osy baǵytta 23,1 mlrd teńge sýbsidiialanǵan. 2020 jylǵa 24,2 mlrd teńge bólindi. Olardyń ishinde jeńildikpen júretin jolaýshylarǵa 4 mlrd teńge jumsalady.
Ákimdiktiń habarlaýynsha, qoǵamdyq kólikti jańartý boiynsha aýqymdy jumys atqarylyp jatyr.
2019 jyly 450 jańa avtobýs satyp alynsa, 190-i jekemenshik avtoparkterge tiesili.
Qalalyq avtobýs parki 92%-ǵa jańarǵan.
2020 jylǵa taman 401 avtobýs satyp alynady. Ásirese gazben júretin ári elektrobýstarǵa basymdyq berilmek.
2019 jyly 10 elektroavtobýs jolǵa shyqsa, biyl taǵy 17 avtobýs paidalanýǵa beriledi.
