Taraz qalasyndaǵy JD-158/7 túzeý mekemesinde sottalýshy túrmeniń úsh qyzmetkerine shabýyl jasap, olardy jaralady. Bul týraly jýrnalist Mihail Kozachkov Telegram-arnasynda jazǵan bolatyn. Aqparatty QR IIM Qylmystyq-atqarý júiesi komitetiniń baspasóz qyzmeti rastady, - dep habarlaidy Massaget.kz.
Sottalýshy "Allahý akbar" dep aiqailap, qyrynýǵa arnalǵan ustaranyń almasymen kúzetshilerdiń biriniń keýdesin tilip jibergen. Jaraqat alǵan ádilet leitenanty jasaq komandiri bolǵan. Sottalýshynyń áreketin toqtatpaq bolǵan taǵy eki túrme qyzmetkerleri de jaralanǵan.
"Jambyl oblysy boiynsha QAJ departamentiniń JD-158/7 mekemesinde tańǵy tekseris kezinde sottalǵan mekeme ákimshiligi qyzmetkerine shabýyl jasady. Zardap shekkenderge qajet meditsinalyq kómek kórsetildi. Qazirgi ýaqytta olardyń jaǵdaiy birqalypty.
Qyzmetkerlerge shabýyl jasaǵan sottalýshy tártip izoliatoryna oqshaýlandyryldy. Qylmystyq-atqarý júiesi komiteti qyzmettik tergeý taǵaiyndady", - dedi QR IIM Qylmystyq-atqarý júiesi komitetiniń baspasóz qyzmeti ókilderi.
