Májiliste «Salyqtyq jáne kedendik ákimshilendirýdegi tsifrlyq tehnologiialar» taqyrybynda úkimet saǵaty ótti. Jiynda alkogoldi kassalyq apparatsyz satý máselesi kóterildi, dep habarlaidy Baq.kz agenttigi.
Májilis depýtaty Albert Raý alkogoldi kassalyq apparatsyz satatyn kásipkerlerdi litsenziiasynan aiyrýdy usyndy.
«Maqsatymyz kóleńkeli saýda ainalymyn azaitý. Ol ásirese alkogol naryǵynda anyq baiqalady. Bul baǵytta ákimshilendirýdi kúsheitti, kóleńkeli ainalymdy birneshe ese azaitty, otandyq taýar óndirýshilerdi jaipap tastady. Qazir ondaǵany ǵana qaldy. Osylai ákimshilendirý ońai bolǵanymen, biraq mindet oryndalǵan joq. Sarapshylardyń málimetinshe, Qarjy ministrligi de bunymen kelisip otyr, alkogol naryǵynyń 50 paiyzy kóleńkeli ainalymda tur. Bul jerde bizdiń saýdanyń ereksheligi áser etip otyr. 90 paiyzǵa deiin – úi janyndaǵy dúkender, ol jerlerde kassalyq apparattardyń engizilý deńgeii óte tómen», - dedi Albert Raý.
Depýtattyń aitýynsha, salyǵyn ýaqytynda tóleitinderden zańmen belgilenbegen ýaqytta alkogol satyp alǵyń kelse, olarda kassa jumys istemei qalady.
«Árine, ondaida tutynýshy salyq tólemeitin satýshyǵa bara salady. Kassalaq apparat ornatýǵa ýaqyt jetkilikti berildi. Qazir apparattardy tipti satyp almai, smartfonǵa júktep alýǵa bolady. Sondyqtan, 1 maýsymnan keiin kassalyq apparat ornatpaǵandardy litsenziiasynan aiyrý kerek», - dep májilismen usynys jasady.
