Áliia Júsipova Gimnastikadan QR federatsiiasynyń basshysy bolyp sailandy, dep habarlaidy "Ult aqparat".
Olympic.kz-tiń málimetinshe, basshyny sailaý federatsiianyń esep berý-sailaý konferentsiiasy barysynda ótti.
«Bul taǵaiyndaý men úshin – jańa syn, qazirgi qyzmetimnen qyzyǵy kem túspeitin – jańa kezeń. Aqtoty Raiymqulova basshylyq etetin Mádeniet jáne sport ministrligine senim úshin jáne Úmit Bolathanqyzyna 10 jylda atqarǵan jumysy úshin alǵys bildiremin. Men bas bapker qyzmetindegi jumysymdy jalǵastyratyn bolamyn. Sebebi jańa taǵaiyndaý – bul qoǵamdyq laýazym. Men ekeýin qatar alyp júremin. Maqsat – sportty damytý jáne elge nátije alyp kelý. Alǵashqy ýaqytta ońai bolmasyn túsinemin. Alaida, meniń tájiribem, bilimim jáne kúsh-jigerim, sondai-aq federatsiia múshelerimen birlesken jumys kóptegen mindetterdiń sheshimin tabatyn bolady. Federatsiiamyzǵa kiretin árbir sportty damytý jáne tanymal etý baǵytynda birge jumys isteimiz», - dedi Á.Júsipova.
Aita keteiik, Gimnastikadan QR federatsiiasynyń burynǵy basshysy – Úmit Shaiahmetova boldy.
Áliia Maqsutqyzy Júsipova – 36 jasta. Shymkent qalasynda dúniege kelgen. Afiny jáne Beijiń Olimpiadalarynyń qatysýshysy. QR eńbek sińirgen jattyqtyrýshy. Búginde kórkem gimnastikadan Qazaqstan Respýblikasynyń bas bapkeri.
