Parlament Májilisindegi Úkimet saǵatynda QR Bilim jáne ǵylym ministri Ashat Aimaǵambetov QR Bilim jáne ǵylym ministrligi álippege qatysty arnaiy jumys toby qurylǵanyn málimdedi, – dep habarlaidy «Ult aqparat».
«Álippege qatysty másele kópten beri kóterilip júr. Bul shyn mánine óte mańyzdy. Biyl tamyz keńesinde osy máselege jeke toqtaldyq. Qazir tiisti jumys toby quryldy. Bizdiń aityp otyrǵanymyz, álippeni mektepke engizý kerek jáne onda eshqandai eksperiment kerek emes. Ahmet Baitursynovtyń ádistemesi bar, sol ádistemeden basqa eshteńe oilap tabý qajet emes», - dedi ministr.
Sonymen qatar Ashat Aimaǵambetov oqýlyqtardy daiarlaý, taldaý sharalaryna syn aitylyp jatqanyn atap ótti. Osy máselelerdi sheshý úshin qazirgi ýaqytta QR Bilim jáne ǵylym ministrligi oqýlyqtardyń sapasyn jaqsartý jáne saraptaý tetigin jańartý boiynsha jumys júrgizip jatyr. Sondai-aq avtorlar men sarapshylardy oqytý, oqýlyqtarǵa «jasyryn» sholý jasaý, sarapshylardy sertifikattaý uiymdastyrylady.
Aita keteiik, búgin Parlament Májilisindegi Úkimet saǵatynda bilim berýdi jáne ǵylymdy damytýdyń 2016-2019 jyldardaǵy baǵdarlamanyń iske asyrylýy talqylanyp jatyr.
