Taýarlardy baqylaý ulttyq júiesi engiziledi. Bul týraly Úkimet úiinde ótken brifingte QR Premer-Ministriniń birinshi orynbasary Álihan Smaiylov aitty, dep habarlaidy QazAqparat.
«Memleket basshysynyń tapsyrmasyn oryndaý úshin Úkimet elimizdiń shekarasy arqyly zańsyz saýda-sattyqa qarsy is-qimyl keshendi josparyn bekitti. Taýarlardy baqylaý ulttyq júiesi engiziledi. Salyqtyq jáne kedendik ákimshileýdi tsifrlandyrý tereńdetiledi. Jalǵan tranzit aǵynyn monitoringileý jáne qysqartý úshin navigatsiialyq plombany engizý keńeitiledi», - dedi ol.
Birinshi vitse-premerdiń atap ótýinshe, taýarlarǵa arnalǵan dekalartsiialardy shyǵarý jáne baqylaý bóliginge kedendik qyzmet ortalyqtandyrylǵan. Málimetterdi saraptaý úshin jasandy intellekti tehnologiiasy da engizilip jatyr. Halyqaralyq tájiribeni eskere otyryp, qashyqtan ózara is-qimylǵa negizdelgen iri biznesti kólbeý monitoringileý jobasy qolǵa alynǵan.
«Shetelge kapitaldy jylystatýǵa qarsy is-qimyl jáne ekonomikany deoffshorlandyrý boiynsha keshendi jumys júrgizilý ústinde. Málimetterdi elektrondy túrde almasý úshin EYDU-men kópjaqty konventsiiaǵa qol qoiyldy. Tolyqtai alǵanda usynylǵan is-sharalar memlekettik biýdjet kirisin arttyrýǵa baǵyttalǵan», - dedi Álihan Smaiylov.
