irbistv.kz
Pavlodar mektebine Álihan Bókeihannyń biýstin daiyndaý úshin kásipkerden para alǵan sheneýnik kinásin moiyndady, dep habarlaidy Ulysmedia.kz.
Pavlodar oblystyq mádeniet, tilderdi damytý jáne muraǵat isi basqarmasynyń basshysy Samal Begalinova 1 mln teńge para aldy degen kúdikke ilingen bolatyn. Ol atalǵan somaǵa kompaniiamen Pavlodar mektebine Álihan Bókeihannyń biýstin daiyndaý jáne ony kedergisiz qabyldaý týraly shart jasasqan.
Sot Samal Begalinovany Qylmystyq kodekstiń 366-babynyń 2-bóligi boiynsha qylmystyq quqyq buzýshylyq jasaǵany úshin kináli dep tanydy jáne oǵan 3 jyl merzimge bas bostandyǵynan aiyrý túrinde jaza taǵaiyndady. Sondai-aq múlkin – sybailas jemqorlyqqa qarsy komitettiń oblystyq departamentiniń zattai dáleldemelerdi saqtaý kamerasynda turǵan million teńgeni tárkileý týraly úkim shyǵardy, - dep habarlady №2 Pavlodar sotynyń sýdiasy Ásemqońyr Sairan.
Sondai-aq, Begalinova ómir boiy memlekettik qyzmette, jergilikti ózin-ózi basqarý organdarynda, Qazaqstannyń Ulttyq Banki men onyń vedomstvolarynda qyzmet atqarý quqyǵynan aiyryldy.
Eks-sheneýniktiń ózi jalǵyz tárbielep otyrǵan 2 balasy (4 jáne 12 jastaǵy) bolýyna bailanysty bas bostandyǵynan aiyrý jazasyn óteýi 5 jylǵa (QK 74-babynyń 1-bóligi negizinde) keiinge qaldyryldy. Ol jazasyn qaýipsizdigi ortasha qylmystyq-atqarý júiesi mekemesinde ótemek.
