Turaqty, ornyqty damý deńgeiine shyǵý úshin qoǵamda , qoǵam men bilik arasynda senim jetkilikti deńgeidi bolý kerek. Bul týraly «Qoǵamdyq senim jáne áleýmettik kapital» atty halyqaralyq onlain konferentsiia barysynda Memlekettik qyzmet salasyndaǵy Ortalyq Aziia Óńirlik haby basqarýshy komitetiniń tóraǵasy Álihan Baimenov aitty, dep habarlaidy QazAqparat.
«Senim – óte mańyzdy qundylyq. Onyń ishinde bizdiń qoǵam sekildi ótpeli kezeńde turǵan modernizatsiialaýdy qajet etetin qoǵamda senimniń mańyzy óte zor. Sebebi, turaqty, ornyqty damý deńgeiine shyǵý úshin qoǵamda , qoǵam men bilik arasynda senim jetkilikti deńgeidi bolý kerek. Ásirese, qazirgi uzaq merzimdi yqpaly bar pandemiiany alsaq, ótken jarty jylda senimniń tek qana qoǵamnyń qundylyǵy emes sonymen qatar, óte mańyzdy ákimshilik qundylyq ekeni, úkimettiń súienetin tiregi retinde jahandyq deńgeide kóz jetti. Sebebi, senim bolmasa úkimetterdiń tipti durys qabyldanyp jatqan sheshimderine kúmánmen qaraý kóp bolady», – dedi Álihan Baimenov.
Sonymen qatar, ol senimniń jeti tiregin atady.
«Meniń pikirimshe senimniń jeti tiregi bar. Atap aitar bolsam, kommýnikatsiia, eńbekti baǵalaý, ádep, qaýpsizdik, ortaq erjelerdi qurmetteý jáne zańdy basshylyqqa alý, áleýmettik liftlerdiń durys jumys jasaýy jáne qoǵamdaǵy yqpaldastyq pen yntymaqtastyq», – dedi ol.
