Beriktiń qarsylasy shyn máninde myqty ekenin moiyndatty. Bul týraly bokstan Qazaqstan ulttyq quramasynyń bas bapkeri Myrzaǵali Aitjanov Riodaǵy QazAqparat tilshisine bergen suhbatynda málim etken.
"Búgin ózderińiz kórgendei, Berik Ábdirahmanov AQSh boksshysyna utylyp qaldy. Bizdiń jigit osyǵan deiin bul boksshymen kezdesip kórmegen. Birinshi ret kórip otyrmyz. Jap-jas bala. Jas bolsa da, talantty ekeni kórinip tur", - dep atap ótti bas bapker.
Sondai-aq, M. Aitjanov onyń óte jyldam qimyldaityn boksshy ekenin de ashyp aitty.
"AQSh boksshysy alǵashqy raýndtardan-aq óte shiraq qimyldady. Ekinshi raýndta tizgindi óz qolyna aldy. Berik úshinshi raýndta bar kúshin salǵanymen bári kesh boldy. Negizi alǵashqy jekpe-jegimiz jeńispen bastalǵanda durys bolar edi. Biraq, alda toǵyz jigitimiz bar. Qyzyqtyń kókesi endi bastalady. Sondyqtan ózimizdiń elge bergen ýádemizdi oryndaýǵa, aldymyzǵa qoiǵan maqsatqa jetýge áli múmkindik bar", - dep atap ótti Aitjanov.
Esterińizge sala keteiik, Rio-de-Janeiroda ótip jatqan HHHI Olimpiada oiyndarynda búgin 60 kelide óner kórsetken boksshymyz Berik Ábdirahmanov birinshi jekpe-jeginde utylyp qalǵan bolatyn.
Ol alǵashqy aiqasynda AQSh sportshysy Karlos Bal Deraspen judyryqtasty.
