بەرٸكتٸڭ قارسىلاسى شىن مەنٸندە مىقتى ەكەنٸن مويىنداتتى. بۇل تۋرالى بوكستان قازاقستان ۇلتتىق قۇراماسىنىڭ باس باپكەرٸ مىرزاعالي ايتجانوۆ ريوداعى قازاقپارات تٸلشٸسٸنە بەرگەن سۇحباتىندا مەلٸم ەتكەن.
"بٷگٸن ٶزدەرٸڭٸز كٶرگەندەي, بەرٸك ەبدٸراحمانوۆ اقش بوكسشىسىنا ۇتىلىپ قالدى. بٸزدٸڭ جٸگٸت وسىعان دەيٸن بۇل بوكسشىمەن كەزدەسٸپ كٶرمەگەن. بٸرٸنشٸ رەت كٶرٸپ وتىرمىز. جاپ-جاس بالا. جاس بولسا دا, تالانتتى ەكەنٸ كٶرٸنٸپ تۇر", - دەپ اتاپ ٶتتٸ باس باپكەر.
سونداي-اق, م. ايتجانوۆ ونىڭ ٶتە جىلدام قيمىلدايتىن بوكسشى ەكەنٸن دە اشىپ ايتتى.
"اقش بوكسشىسى العاشقى راۋندتاردان-اق ٶتە شيراق قيمىلدادى. ەكٸنشٸ راۋندتا تٸزگٸندٸ ٶز قولىنا الدى. بەرٸك ٷشٸنشٸ راۋندتا بار كٷشٸن سالعانىمەن بەرٸ كەش بولدى. نەگٸزٸ العاشقى جەكپە-جەگٸمٸز جەڭٸسپەن باستالعاندا دۇرىس بولار ەدٸ. بٸراق, الدا توعىز جٸگٸتٸمٸز بار. قىزىقتىڭ كٶكەسٸ ەندٸ باستالادى. سوندىقتان ٶزٸمٸزدٸڭ ەلگە بەرگەن ۋەدەمٸزدٸ ورىنداۋعا, الدىمىزعا قويعان ماقساتقا جەتۋگە ەلٸ مٷمكٸندٸك بار", - دەپ اتاپ ٶتتٸ ايتجانوۆ.
ەستەرٸڭٸزگە سالا كەتەيٸك, ريو-دە-جانەيرودا ٶتٸپ جاتقان حححٸ وليمپيادا ويىندارىندا بٷگٸن 60 كەلٸدە ٶنەر كٶرسەتكەن بوكسشىمىز بەرٸك ەبدٸراحمانوۆ بٸرٸنشٸ جەكپە-جەگٸندە ۇتىلىپ قالعان بولاتىن.
ول العاشقى ايقاسىندا اقش سپورتشىسى كارلوس بال دەراسپەن جۇدىرىقتاستى.
