Ekinshi orta salmaqtaǵy qazaqstandyq boksshy Áli Ahmedov (16-1, 12KO) kelesi jekpe-jegin jazdyń sońynda ótkizedi, dep habarlaidy "Ult aqparat".
VKontakte áleýmettik jelisindegi «Qazaqstannyń kásipqoi boksy» paraqshasy BoxRec.com saityna silteme jasap habarlaýynsha, GGG Promotions promoýterlik kompaniiasyndaǵy qazaqstandyq boksshynyń aiqasy Kosta-Mesede (Kaliforniia shtaty, AQSh) 26 tamyzda ótedi. Onyń qarsylasy ázirge belgisiz.
1 tamyz kúni Áli Albýkerkede (Niý-Meksiko shtaty) perýandyq «Pantera» laqap atymen belgili David Segarromen (34-5, 21KO) judyryqtasýy tiis edi. Alaida jekpe-jekke birneshe saǵat qalǵanda latynamerikalyq boksshydan koronavirýs anyqtalýy sebebimen kezdesý ótkizilmedi.
