Ilon Mask álem tarihyndaǵy alǵashqy trillioner atandy. Bul kórsetkishke onyń SpaceX kompaniiasynyń IPO nátijesinde qol jetkizilgeni belgili boldy, dep habarlaidy ult.kz.
Reuters.com portalynyń jazýynsha, SpaceX alǵashqy jariia aktsiia ornalastyrýy barysynda 75 milliard dollar investitsiia tartyp, kompaniia qunyn aitarlyqtai ósirdi. Nátijesinde Masktyń jalpy bailyǵy 1,1 trillion dollardan asyp, jańa qarjylyq rekord ornatty.
Buǵan deiin sarapshylar kásipkerdiń bailyǵyn shamamen 780 milliard dollar dep baǵalaǵan. IPO-dan keiin onyń SpaceX-tegi úlesiniń quny 866 milliard dollarǵa jetken.
Masktyń negizgi aktivteriniń qatarynda Tesla, X, Neuralink jáne The Boring Company bar.
Sarapshylardyń pikirinshe, kásipkerdiń yqpaly elektr kólikteri, ǵarysh tehnologiialary, jasandy intellekt jáne áleýmettik media salalaryn qamtidy. Sonymen birge onyń kompaniialary korporativtik basqarý men saiasi belsendilikke qatysty synǵa da jii ushyrap keledi.
Soǵan qaramastan investorlardyń senimi men tehnologiialyq jobalardyń qarqyndy damýy Maskty adamzat tarihyndaǵy alǵashqy resmi trillioner retinde tirkeýge múmkindik berdi.
