Bizdiń qoǵam gazet oqymaidy, kóbi aqparatty áleýmettik jeliden biledi. Elordada ótip jatqan qazaqtildi onlain kontent jasaýshylardyń forýmynda osyndai pikir aityldy, dep habarlaidy QazAqparat.
«Bizdiń qoǵam gazet oqymaidy, kóbi aqparattardy áleýmettik jeliden biledi. Dástúrli BAQ quraldaryna tereńdik kerek, sonda ǵana báseke bolady, sebebi gazet ár 10-15 minýt saiyn shyqpaidy», - deidi saiasattanýshy Samat Nurtaza.
Ol «qoǵamǵa vainerler, messendjerler kerek emes» degen oimen kelispeitinin aitty.
«HVII-XVIII ǵasyrda hanǵa shyndyqty dombyramen aitatyn adamdar bolǵany siiaqty mesendjerler halyqqa silkinis beretin impýls retinde qabyldanady. Áleýmettik jelide kóbi durys aqparat aitaiyn dep emes, kóp laik jinaiyn dep jazady. Sarapshylardyń aitýynsha, álemde jylyna bir adam áleýmettik jeliniń kesirinen ózine qol salady. Áigili Stiven King «Áleýmettik jelide óz-ózimdi aldaǵym kelmeidi, shynaiy ómirge bet burǵym keledi» dep Facebook paraqshasyn jaýyp tastaǵan. Blogerlerdi, saiasattanýshylardy tok-shoýlarǵa shaqyryp turý kerek, sebebi bul jerde oidy erkin aitý múmkindigi bar», - deidi ol.
