Áleýmettik jelide balabaqsha qyzmetkeriniń tárbielenýshilermen qalai jumys isteitindigi jóninde video jariialandy. Beinejazbada belgisiz áiel uiyqtap jatqan balany mazalap, beti men jambas tusynan urǵany anyq kórinedi, dep habarlaidy "Ult aqparat".
«Bul oqiǵa Ile aýdanynyń Baiserke aýylyndaǵy jeke menshik balabaqshada bolǵan. Qazirgi ýaqytta aýdandyq komissiia quryldy. Onda ákimdik, bilim berý bólimi jáne basqa da organdardyń qyzmetkerleri atalǵan jaǵdaidy jan-jaqty tekseretin bolady. Balabaqsha basshysy men jumys aýysymynda bolǵan qyzmetkerlerden túsinikteme alynýda. Ata-analarmen áńgime júrgizilýde. Barlyq jaǵdailar komissiianyń jumysy barysynda naqtylanatyn bolady. Tekserý qorytyndysy boiynsha tiisti sharalar qabyldanady», - dedi Almaty oblysy ákiminiń baspasóz hatshysy Ǵalymurat Júkel.
Esterińizge sala keteiik, shilde aiynda Taldyqorǵandaǵy jeke menshik balabaqshada osyǵan uqsas jaǵdai bolǵan. Tárbielenýshilerine qol kótergen tárbieshiniń ústinen QR QK 141- babyna sáikes qylmystyq tergeý bastalǵanyn habarlaǵan bolatynbyz.
