Áleýmettik jelide Aiaz atanyń artynan júgirgen balanyń videosy tarady, - dep habarlaidy Tengrinews.kz tilshisi Astana telearnasyna silteme jasap.
Videoda Aiaz ata shanasynyń artynan júgirip bara jatqan balany kórýge bolady. Telearna málimetinshe, video Shyǵys Qazaqstan oblysy Altai óńirinde túsirilgen bolýy múmkin. Jelide taraǵan videodaǵy balanyń ertegi keiipkerin toqtatqysy kelip júgirgen sáti kópshiliktiń súiispenshiligine bólengen. Pikir qaldyrǵandar ishinde Aiaz atany qýyp jetkenine úmittengender de kóp. Al keibireýi óz balalyq shaǵyn eske túsirse, tipti keibireýi júrek tebirenter videony kórip, kózge jas alǵandaryn jetkizgen.
