Ádilet ministrligi jeke praktikamen ainalysatyn tulǵalarǵa jáne kommertsiialyq emes uiymdardyń qyzmetkerlerine áleýmettik tólemderdi taǵaiyndaýdyń jańa tártibi týraly baiandady, dep habarlaidy "Ult aqparat".
«Tótenshe jaǵdai men karantinniń engizilýine bailanysty, sonymen qatar koronavirýstyń taralýynyń aldyn alý maqsatynda jeke praktikamen ainalysatyn tulǵalar óziniń kásibi qyzmetin shektedi. Bundai qadam tótenshe jaǵdai kezinde olardyń tabysynan aiyrylýyna ákelip soǵatyny belgili. Osy jaǵdaidy eskere otyryp, Ádilet ministrligi Eńbek jáne halyqty áleýmettik qorǵaý ministriligine áleýmettik tólemdi jeke praktikamen ainalysatyn tulǵalardyń alýy áleýmettik tólemdi alýy tártibin jeńildetý qajettiligi týraly hat joldaǵan bolatyn», - delingen Ádilet ministrliginiń málimetinde.
Biyl 3 sáýirde qabyldanǵan jańa Erejege sáikes, jeke praktikamen ainalysatyn tulǵalarǵa áleýmettik tólemdi taǵaiyndaýǵa tótenshe jaǵdai kezindegi qyzmetiniń shektelýine bailanysty tabysynan aiyrylǵany týraly ótinish negiz bolady alady.
Buǵan qosa, áleýmettik tólemdi alý quqyǵy advokattardyń, notariýstardyń, jeke sot oryndaýshylarynyń kómekshilerine jáne kommertsiialyq emes uiymdardyń (advokattar alqalarynyń, advokattyq keńselerdiń, notariattyq palatalardyń jáne t.b.) qyzmetkerlerine beriledi.
«Jalǵan aqparattar men dáieksiz qujattardy bergeni úshin ótinish berýshi jaýapqa tartylatynyn eskerýlerińizdi suraimyz, sebebi áleýmettik tólem tabysynan aiyrylǵan azamattarǵa ǵana beriledi. Osyǵan qarai, jeke praktikamen ainalysatyn tulǵalar memlekettik qoldaýdy shekteý sharalarynyń engizilýine bailanysty shyn máninde tabysynan aiyrylǵan jaǵdaida ǵana paidalana alady», - dep atalyp ótken habarlamada.
