QR Saýda jáne integratsiia ministrligi azyq-túlik baǵalarynyń turaqtylyǵyn saqtaý maqsatynda azamattardy belsendi bolýǵa shaqyrady, dep habarlaidy "Ult aqparat".
Aldaǵy ýaqytta áleýmettik mańyzy bar taýarlardyń baǵalary kórsetilgen fotosýretterdi kez kelgen azamat jibere alatyn arnaiy sait qurylatyn bolady.
«Búgingi kúnde Statistika komiteti apta saiyn (ár seisenbi kúni) áleýmettik mańyzy bar azyq-túlik taýarlarynyń baǵalaryn taldaidy. Resmi statistikalyq derekter ár beisenbi kúni jariialanady. Derekter jinaý 2011 jyldan bastap qolǵa alynǵan. Jalpy damyǵan elderde baǵany monitoringileýge halyq tartyldy. Sol sekildi bizde de kez kelgen azamat taýar baǵasyn sýretke túsirip ony áleýmettik mańyzy bar azyq-túlik taýarlarynyń baǵalar statistikasy jinaqtalatyn mamandyrylǵan saitqa jibere alady», - dedi QR Saýda jáne integratsiia ministri Baqyt Sultanov.
Ministrdiń aitýynsha, atalǵan júie arqyly naqty dúkenderdegi áleýmettik mańyzy bar azyq-túlik taýarlarynyń baǵasyn onlain rejimde baqylaýǵa bolady.
«Halyq belsendi qoldaýy bolǵan jaǵdaida, biz bul júieni qurýǵa jáne oǵan barlyq múddeli memlekettik organdar men uiymdardy qosýǵa daiynbyz», - dedi ministr.
