Eksporttyq aýyl sharýashylyǵy ónimderiniń de óndirisin arttyrý qajet. Bul týraly Úkimet otyrysynda QR Saýda jáne integratsiia ministri Baqyt Sultanov aitty, dep habarlaidy QazAqparat.
«23 aqpandaǵy jaǵdai boiynsha áleýmettik mańyzy bar azyq-túlik taýarlary baǵalarynyń ósýi 2,4 paiyz deńgeiinde tirkeldi. Bárinen buryn importqa táýeldi ónimderdiń, joǵary eksporttyq suranysy bar taýarlardyń, sondai-aq maýsymaralyq kezeńde dástúrli túrde qymbattaityn kókónisterdiń baǵalary ósim kórsetti. Olardyń jalpy ósimge qosqan úlesi 2 paiyzdyq tarmaqty qurady», - dedi agroónerkásiptik keshendi damytýdyń negizgi baǵyttary jáne investitsiialyq jobalardyń iske asyrylýy týraly baiandaǵan Baqyt Sultanov.
Onyń atap ótýinshe, azyq-túlik taýarlarynyń baǵasy óndiris pen tutyný teńgerimine ǵana emes, sondai-aq importtalatyn jáne eksportqa jiberiletin ónimniń úlesine de bailanysty. Mundai aǵyndar syrtqy naryqtardyń baǵalaryn ishki saýdaǵa da áser etkizedi.
«Aýyl sharýashylyǵy ministrligi óńirlik atqarýshy organdarmen birlesip, importqa táýeldi taýarlar boiynsha ǵana emes, sondai-aq eksporttyń joǵary úlesi baiqalatyn ónimder boiynsha da óndiristi barynsha ulǵaitýy qajet», dedi ministr.
