«Azyq-túlik kelisimshart korporatsiiasynyń» qaita óńdeýshiler úshin shikizattyń boljamdy ári turaqty baǵasyn qamtamasyz etýdegi róli keńeitiledi. Bul týraly Úkimet otyrysynda Premer-Ministr Asqar mamin málim etti, dep habarlaidy QazAqparat.
«Úkimet Infliatsiiaǵa qarsy áreket etý jónindegi sharalar keshenin ázirledi. Birinshiden, azyq-túlik infliatsiiasyn tejeý jónindegi jedel sharalar aiasynda ekonomikanyń sektorlarynda qun belgileýdiń búkil tizbeginde baǵany turaqtandyrý boiynsha naqty sharalar qabyldanady. Áleýmettik mańyzy bar azyq-túlikti satyp alý uiymdastyrylyp, «Azyq-túlik kelisimshart korporatsiiasynyń» qaita óńdeýshiler úshin shikizattyń boljamdy ári turaqty baǵasyn qamtamasyz etýdegi róli keńeitiledi», - dedi A. Mamin.
Onyń aitýynsha, óndirýshilerge jeńildikpen kredit pen sýbsidiia berý mehanizmderi keńeitilip, agroónerkásiptik keshen ónimderin saqtaý infraqurylymyn salý úshin sýbsidiialaý normalary ulǵaitylady.
«Áleýmettik mańyzy bar azyq-túlik satýshylar úshin jaldaý aqysy tómendetiledi. Eldegi Óndirýshilerdiń biryńǵai tizilimin jasaý jáne baǵany monitoringteý jónindegi taldamalyq platformany iske qosý óńirlerde infliatsiianyń kúrt ósý faktilerine dereý áreket etýge múmkindik beredi», - dedi Úkimet basshysy.
