QR Saýda jáne integratsiia ministri Baqyt Sultanov jyl basynan elimizde áleýmettik mańyzy bar azyq-túlik ónimderiniń baǵasy óskenin aitty, dep habarlaidy "Ult aqparat".
«Biyldyń basynan áleýmettik mańyzy bar azyq-túlik ónimderiniń baǵasy 3,2 paiyzǵa ósti. Bul rette, ótken jyldyń uqsas kezeńinde baǵalar 4,8 paiyzǵa qymbattady. Ósimniń 4,1 protsenttik pýnkti karantindik dúrlikpe saldarynan naýryz aiynda baiqaldy. Qabyldanǵan jedel is-sharalardyń nátijesinde baǵalardyń ózgerýi turaqtandy. Sońǵy úsh aptada ósim 0,2 paiyzdy qurady», - dedi ministr Úkimet otyrysynda.
Onyń aitýynsha, baǵanyń odan ári ósýine jol bermeý maqsatynda biylǵy 11 naýryzda QR Úkimetiniń otyrysynda 45 is-sharadan quraityn Baǵany turaqtandyrý jónindegi jol kartasy maquldandy. Jol kartasyn oryndaý aiasynda naýryzda jedel sharalar qabyldandy.
«Sonymen qatar, keibir óńirlerde áli kúnge deiin joǵary ósim baiqalady. 6 sáýirdegi jaǵdai boiynsha eń joǵarǵy baǵa ósimi Jambyl oblysynda (4,2%) jáne Atyraý oblysynda (3,8%) oryn aldy. Eń az 2,9 paiyzǵa ósim Shyǵys Qazaqstan jáne Aqmola oblystarynda tirkeldi», - dedi B. Sultanov.
