Aǵymdaǵy jyldyń basynan bastap 266 myńnan astam múgedektigi bar adam Áleýmettik qyzmetter portaly (budan ári – Portal) arqyly ońaltýdyń tehnikalyq quraldaryn (budan ári – OTQ), 6 myńnan astam ymdaý tili qyzmetterin, 33 myńnan astam jeke kómekshiniń qyzmetterin, 55 myńǵa jýyq sanatorlyq-kýrorttyq em aldy. Sondai-aq, Portal arqyly kepildik berilgen áleýmettik toptamalarǵa 210 myń tapsyrys rásimdeldi, dep habarlaidy "Ult aqparat" Eńbek jáne halyqty áleýmettik qorǵaý ministrliginiń baspasóz qyzmetine silteme jasap.
Portal múgedektigi bar adamdarǵa ońaltýdyń tehnikalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsifrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnikalyq quraldaryn jetkizý nemese óz betinshe áketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopediialyq, sýrdotehnikalyq, tiflotehnikalyq jáne gigienalyq quraldar, sondai-aq kreslo-arbalar berýdi qamtidy.
Búgingi kúni Portalda arnaýly áleýmettik qyzmetter kórsetetin 795 meditsinalyq-áleýmettik mekeme (bólimsheler), 157 OTQ jetkizýshi, 15 myńnan astam jeke kómekshi, 262 ymdaý tilin qyzmetin, 79 sanatorlyq-kýrorttyq emdeýdi, 135 kepildik berilgen áleýmettik toptamany jetkizýshiler tirkelgen.
«Áleýmettik qyzmetter portaly» avtomattandyrylǵan aqparattyq júiesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar sheńberinde qarastyrylǵan.
Qoldaýǵa arnalǵan bailanys ortalyǵyna 1414 biryńǵai nómirine qońyraý shalyp, tildi tańdaý jáne 5 sanyn basý arqyly Portaldy paidalaný boiynsha keńes alýǵa bolady.
