2021 jyly múgedektigi bar adamdar Áleýmettik qyzmetter portaly arqyly 93 myńnan astam qyzmet aldy, dep habarlaidy "Ult aqparat".
«Portal múgedektigi bar adamdarǵa ońaltýdyń tehnikalyq quraldary men qyzmetterin óndirýshini jáne jetkizýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsifrlyq qoltańbasymen rastaý arqyly júzege asyrylady. Tapsyrys berilgen ońaltýdyń tehnikalyq quraldaryn jetkizý nemese óz betinshe alyp ketý arqyly alýǵa bolady. Múgedektigi bar adamdardy ońaltý quraldarymen qamtamasyz etý protezdik-ortopediialyq, sýrdotehnikalyq, tiflotehnikalyq jáne gigienalyq quraldardy, sondai-aq kreslo-arbalar berýdi qamtidy», - delingen Eńbek ministrligi málimetinde.
2021 jylǵy 1 sáýirdegi derekter boiynsha 43,7 myńnan astam múgedektigi bar adam ońaltýdyń tehnikalyq quralyn (OTQ), 6,5 myńy – ymdaý tili qyzmetin, 30,8 myńy – jeke kómekshi qyzmetin, 12 myńy – sanotorlyq-kýrorttyq em aldy. Sondai-aq, portal arqyly 26,4 myń tabysy az otbasy áleýmettik toptama alýdy resimdedi.
Budan basqa, jyl basynan beri MAB arqyly telefon nómirine sms-habarlama jiberý arqyly ońaltý quraldarymen jáne qyzmetterimen qamtamasyz etýge 5,3 myń qujat proaktivti túrde resimdeldi.
2020 jylǵy 29 jeltoqsannan bastap Elektrondyq úkimet portalynda (eGov.kz) múgedektigi bar adamdarǵa QR Eńbek jáne halyqty áleýmettik qorǵaý ministrliginiń memlekettik qyzmetterin kórsetýge elektrondyq ótinim berý múmkindigi iske asyryldy. Ońaltý quraldarymen jáne qyzmetterimen qamtamasyz etýge arnalǵan 14,8 myńnan astam qujat Elektrondyq úkimet portaly arqyly resimdeldi.
«Qazirgi ýaqytta múgedektigi bar adamdar jeke irikteýdi talap etpeitin OTQ-nyń 74 túrin satyp alý múmkindigine ie. Mysaly, kiiýge arnalǵan túrli qurylǵylar, jaialyqtar, tazartqyshtar. Budan basqa, Portal arqyly jeke kómekshiniń, ymdaý tili mamanynyń qyzmetterine jáne sanatorlyq-kýrorttyq emdelýge tapsyrys berýge bolady. Sondai-aq, tabysy az otbasylardyń kepildik berilgen áleýmettik toptama alý múmkindigi bar. «Áleýmettik qyzmetter portaly» avtomattandyrylǵan aqparattyq júiesin engizý Múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi ulttyq jospar aiasynda qarastyrylǵan. Call-ortalyqtan 1411 nómiri arqyly Portaldy paidalaný boiynsha keńes alýǵa bolady», - dep atalyp ótken ministrlik habarlamasynda.
