2021 جىلى مٷگەدەكتٸگٸ بار ادامدار ەلەۋمەتتٸك قىزمەتتەر پورتالى ارقىلى 93 مىڭنان استام قىزمەت الدى, دەپ حابارلايدى "ۇلت اقپارات".
«پورتال مٷگەدەكتٸگٸ بار ادامدارعا وڭالتۋدىڭ تەحنيكالىق قۇرالدارى مەن قىزمەتتەرٸن ٶندٸرۋشٸنٸ جەنە جەتكٸزۋشٸنٸ ٶز بەتٸنشە تاڭداۋعا مٷمكٸندٸك بەرەدٸ. كٶمەك تٷرٸنە تاپسىرىس بەرۋ كٶرسەتٸلەتٸن قىزمەتتٸ الۋشىنىڭ ەلەكتروندىق تسيفرلىق قولتاڭباسىمەن راستاۋ ارقىلى جٷزەگە اسىرىلادى. تاپسىرىس بەرٸلگەن وڭالتۋدىڭ تەحنيكالىق قۇرالدارىن جەتكٸزۋ نەمەسە ٶز بەتٸنشە الىپ كەتۋ ارقىلى الۋعا بولادى. مٷگەدەكتٸگٸ بار ادامداردى وڭالتۋ قۇرالدارىمەن قامتاماسىز ەتۋ پروتەزدٸك-ورتوپەدييالىق, سۋردوتەحنيكالىق, تيفلوتەحنيكالىق جەنە گيگيەنالىق قۇرالداردى, سونداي-اق كرەسلو-اربالار بەرۋدٸ قامتيدى», - دەلٸنگەن ەڭبەك مينيسترلٸگٸ مەلٸمەتٸندە.
2021 جىلعى 1 سەۋٸردەگٸ دەرەكتەر بويىنشا 43,7 مىڭنان استام مٷگەدەكتٸگٸ بار ادام وڭالتۋدىڭ تەحنيكالىق قۇرالىن (وتق), 6,5 مىڭى – ىمداۋ تٸلٸ قىزمەتٸن, 30,8 مىڭى – جەكە كٶمەكشٸ قىزمەتٸن, 12 مىڭى – سانوتورلىق-كۋرورتتىق ەم الدى. سونداي-اق, پورتال ارقىلى 26,4 مىڭ تابىسى از وتباسى ەلەۋمەتتٸك توپتاما الۋدى رەسٸمدەدٸ.
بۇدان باسقا, جىل باسىنان بەرٸ ماب ارقىلى تەلەفون نٶمٸرٸنە sms-حابارلاما جٸبەرۋ ارقىلى وڭالتۋ قۇرالدارىمەن جەنە قىزمەتتەرٸمەن قامتاماسىز ەتۋگە 5,3 مىڭ قۇجات پرواكتيۆتٸ تٷردە رەسٸمدەلدٸ.
2020 جىلعى 29 جەلتوقساننان باستاپ ەلەكتروندىق ٷكٸمەت پورتالىندا (eGov.kz) مٷگەدەكتٸگٸ بار ادامدارعا قر ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ مەملەكەتتٸك قىزمەتتەرٸن كٶرسەتۋگە ەلەكتروندىق ٶتٸنٸم بەرۋ مٷمكٸندٸگٸ ٸسكە اسىرىلدى. وڭالتۋ قۇرالدارىمەن جەنە قىزمەتتەرٸمەن قامتاماسىز ەتۋگە ارنالعان 14,8 مىڭنان استام قۇجات ەلەكتروندىق ٷكٸمەت پورتالى ارقىلى رەسٸمدەلدٸ.
«قازٸرگٸ ۋاقىتتا مٷگەدەكتٸگٸ بار ادامدار جەكە ٸرٸكتەۋدٸ تالاپ ەتپەيتٸن وتق-نىڭ 74 تٷرٸن ساتىپ الۋ مٷمكٸندٸگٸنە يە. مىسالى, كييۋگە ارنالعان تٷرلٸ قۇرىلعىلار, جايالىقتار, تازارتقىشتار. بۇدان باسقا, پورتال ارقىلى جەكە كٶمەكشٸنٸڭ, ىمداۋ تٸلٸ مامانىنىڭ قىزمەتتەرٸنە جەنە ساناتورلىق-كۋرورتتىق ەمدەلۋگە تاپسىرىس بەرۋگە بولادى. سونداي-اق, تابىسى از وتباسىلاردىڭ كەپٸلدٸك بەرٸلگەن ەلەۋمەتتٸك توپتاما الۋ مٷمكٸندٸگٸ بار. «ەلەۋمەتتٸك قىزمەتتەر پورتالى» اۆتوماتتاندىرىلعان اقپاراتتىق جٷيەسٸن ەنگٸزۋ مٷگەدەكتٸگٸ بار ادامداردىڭ قۇقىقتارىن قامتاماسىز ەتۋ جەنە ٶمٸر سٷرۋ ساپاسىن جاقسارتۋ جٶنٸندەگٸ ۇلتتىق جوسپار اياسىندا قاراستىرىلعان. Call-ورتالىقتان 1411 نٶمٸرٸ ارقىلى پورتالدى پايدالانۋ بويىنشا كەڭەس الۋعا بولادى», - دەپ اتالىپ ٶتكەن مينيسترلٸك حابارلاماسىندا.
