2022 jyldan ataýly áleýmettik tólemder áleýmettik ámiianǵa túsedi. Bul týraly Májilistegi «Nur Otan» partiiasy parlamenttik fraktsiiasynyń keńeitilgen otyrysynda QR Eńbek jáne halyqty áleýmettik qorǵaý ministri Serik Shápkenov aitty, dep habarlaidy QazAqparat.
«Áleýmettik ámiian degenimiz banktik shottarǵa balama bolyp sanalady. Artyqshylyǵy azamattardyń bankke júginý qajettiligi joq. Ulttyq bank júiesinde árbir azamatqa jeke sáikestendirý nómiri arqyly osyndai shottar ashylady jáne bul shottarǵa biz 44 áleýmettik tólemdi proakvtivti túrde tóleýdi josparlap otyrmyz. Áleýmettik ámiianǵa aýdarylǵan áleýmettik tólemder – bul bankterdiń, salyq organdardyń nemese kollektorlyq uiymdardyń tarapynan óndirip alýǵa jatpaidy. Iaǵni qorǵalady», - dedi ministr «Nur Otan» partiiasynyń «Ózgerister joly: ár azamatqa laiyqty ómir!» Sailaý baǵdarlamasyn oryndaýdyń Jol kartasyn talqylaý barysynda.
Onyń aitýynsha, áleýmettik ámiiandy qoldanýshylardyń taýar satyp alýǵa nemese bank kartochkasy siiaqty qyzmetter alýǵa tolyq múmkindigi bar. Buǵan qosa, áleýmettik ámiiannan tólem kartochkasyna da aqsha aýdaryp, qolma-qol aqsha retinde sheship ala alady. Eshqandai shekteý bolmaidy.
«Qazirgi tańda zań jobasy bekitildi. Osyǵan bailanysty Ulttyq bank tehnikalyq jáne uiymdastyrýshylyq jumystaryn júrgizip jatyr. Kelesi jyldan bastap bizdiń tarapymyzdan ilki joba retinde ataýly áleýmettik kómekti áleýmettik ámiianǵa aýdarý josparlanyp otyr», - dedi Serik Shápkenov.
