Mádeniet jáne sport ministri Aqtoty Raiymqulova ortalyq kommýnikatsiialar qyzmetinde ótip jatqan brifingide balalar ádebietin damytý baǵytyndaǵy josparyn ortaǵa saldy, dep habarlaidy "Ult aqparat".
«Biyl jas jazýshylar jáne balalarǵa arnap shyǵarma jazatyn qalamgerler arasynda baiqaý jariialandy. Sonymen qatar, áleýmettik mańyzy bar ádebietti shyǵarý baǵdarlamasy boiynsha jyl saiyn shyǵarylatyn kitaptardyń 50 paiyzynan astamyn balalarǵa arnaýdy josparlap otyrmyz», - dedi ministr.
Aqtoty Raiymqulovanyń aitýynsha, bul jospar bir ǵana jylǵa emes, besjyldyqqa arnalyp otyr.
«Árine, bul – kúndelikti jumys. Balalar kitabyn baiytý boiynsha elektrondy katalogtardy da jasap jatyrmyz. Balalar qyzyǵatyndai ár túrli formatta kitaptar shyǵarýǵa kúsh salyp otyrmyz» dep túiindedi sózin Mádeniet jáne sport ministri.
