Siriia áskerileri Aleppoda tolyq baqylaý ornatqandaryn málimdedi. Memlekettik arnalardyń habarlaýynsha, 22 jeltoqsanda kóterilisshilerdiń sońǵy legi qaladan evakýatsiialandy.
Al, BBC News basylymynyń jazýynsha, Siriianyń úkimettik áskeri shyǵys bóligi kóp ýaqyt boiy kóterilisshilerdiń baqylaýynda bolǵan Aleppony baqylaýǵa alǵanyn resmi túrde jariialady.
Halyqaralyq Qyzyl krest uiymynyń dereginshe, sońǵy aptada Aleppodan 30 myń adam evakýatsiialanǵan. Evakýatsiia Siriia prezidenti Bashar Asad pen onyń odaqtastarynyń áskeri Alepponyń shyǵys bóligin kóterilisshilerden qaitaryp alǵan soń Resei men Túrkiianyń araǵaiyndyǵymen qaqtyǵysty toqtatý týraly kelisimge sai jasalyp jatyr.
Aleppo qalasyn 2012 jyly "Islam memleketi" ekstremistik toby basyp alǵan. Sońǵy úsh jylda soǵys saldarynan myńdaǵan adam Aleppony tastap ketken.
Eske salaiyq, 19 qyrkúiekte BUU Qaýipsizdik keńesi Aleppoda adam quqyqtaryn saqtaýǵa baqylaýdy qamtamasyz etetin rezoliýtsiiany qabyldaǵan edi. Resei bul rezoliýtsiiany qoldady. Buǵan deiin BUU eki jyl qorshaýda bolǵan shyǵys Aleppoda úkimet áskeri beibit turǵyndarǵa zábir kórsetýi múmkin ekenin habarlaǵan bolatyn. Sondai-aq, keibir batys elderi men BAQ-tar reseilik jáne siriialyq aviatsiiany beibit turǵyndardyń qazasyna ákep soǵatyn áreketteri jaily aitqan edi. Al óz kezeginde siriialyq jáne reseilik bilik mundai habarlamalardy burmalaý dep atady.
Ult portaly
