Álemniń birinshi raketkasy, Avstraliia sportshysy Eshli Barti koronavirýs pandemiiasyna bailanysty AQSh-tyń Ashyq chempionatyna (US Open) qatysýdan bas tartty. Tennisshiniń buǵan bailanysty túsiniktemesi Herald Sun basylymynda jariialandy, dep habarlaidy "Ult aqparat".
«Men jáne meniń komandam biylǵy jyly AQSh-ta ótetin týrnirlerge, sonyń ishinde US Open-ge barmaýǵa sheshim qabyldadyq. Bul biz úshin ońai bolǵan joq, biraq koronavirýstyń áli de aitarlyqtai qaýpi bar, sondyqtan saqtanbasa bolmaidy. Men AQSh tennis qaýymdastyǵyna (USTA) týrnirlerinde tek jaqsylyq bolýyn tilep, kelesi jyly AQSh-qa oralýymdy taǵatsyzdana kútemin», - dep málimdedi ol.
Barti 24 jasta, ol 2019 jyldyń 24 maýsymynan bastap Áielder tennis qaýymdastyǵynyń (WTA) reitinginde kósh bastap keledi. Úlken shlem toptamasy týrnirlerinde avstraliialyq tennisshiniń eń úzdik jetistigi – Frantsiianyń Ashyq chempionatynda jeńiske jetýi. Sondai-aq ol Avstraliia Ashyq chempionatynyń jartylai finalyna ótip, Ýimbldondaǵy US Open-niń tórtinshi raýndyna deiin jetken. Barti - WTA bastamasymen ótken segiz týrnirdiń jeńimpazy.
