Jazda balalar ádettegidei demalysqa shyǵady. Bul týraly Ortalyq kommýnikatsiialar ortalyǵynda «Tótenshe jaǵdai kezinde qashyqtan oqytýdyń jańa formattary» taqyrybynda ótken onlain brifingte aityldy, dep habarlaidy QazAqparat.
«Qazirgi ýaqytta balalar mektepterin, ustazdaryn saǵynyp júrgenin kórip otyrmyz. Jalpy elimiz boiynsha ustazdardyń orny, ustazdardyń qadiri qatty bilinip jatyr. Biraz ýaqyttan keiin bul da aiaqtalyp, dástúrli rejimge oralamyz», - deidi QR Bilim jáne ǵylym ministri Ashat Aimaǵambetov.
Ministr álemde qansha memleket qashyqtan oqýǵa kóshkenin aitty.
«Álemniń 167 eli, sonyń ishinde Qazaqstan Respýblikasy da qashyqtan bilim berýge kóshti. Qazaqstanda oqý protsesi keiinge, atap aitqanda, jaz mezgiline shegerilmeidi. Jazda balalar ádettegidei demalysqa shyǵady», - dep atap ótti ministr.
