Qalada «Álemge qushaq ashqan - Túrkistan» atty jańa joba bastaldy, dep habarlaidy "Ult aqparat" Oblystyq jastar resýrstyq ortalyǵynyń baspasóz qyzmetine silteme jasap.
Maqsat – Túrkistan qalasyn ǵalamdyq iri týrizm ortalyǵyna ainaldyrý jáne qyzmet kórsetý sapasyn jaqsartýda eriktilerdiń kómegimen jańa tásilder qalyptastyrý.
Is-shara barysynda týrister kóp keletin qoǵamdyq oryndar men kórneki jerlerge «Altyn qaǵidalar» engizildi. Eriktiler qaladaǵy dámhanalar men meiramhanalardy jáne ózge de qoǵamdyq tamaqtaný oryndaryn aralap arnaiy jadynamalardy taratty. Onda qalaǵa kelgen qonaqtarǵa sapaly qyzmet kórsetý, jol silteý, qonaqjailylyq tanytý sekildi keńester jazylǵan.
Oblystyq jastar resýrstyq ortalyǵy direktorynyń mindetin atqarýshy Amalbek Ómirtai jastardyń qolǵa alǵan igi bastamasyn qoldaýǵa shaqyrdy.
- Qalaǵa kelgen qonaqtarǵa qyzmet kórsetý úshin árbir adamnyń shet tilin bilýi mańyzdy emes. Tek kúlimdep qarsy alyp, sapaly qyzmet kórsetilse, jetkilikti. Árbir kelýshige darhan kóńilimizdi bildirip, umytylmas saiahatta júrgenderin sezindirýimiz qajet, – deidi A.Dárkenuly.
Jańa joba aiasynda qoldanysqa túsken «Altyn qaǵidalar» aldaǵy ýaqytta árbir túrkistandyqtyń ustanar basty qaǵidatyna ainalatyndyǵyna erikti jastar senimdi.
- Men Túrkistanǵa kelgen árbir qonaqtyń úlken áserge bólengenin qalaimyn. Ári qonaqjailylyǵymyzdyń kýási bolyp, qalamyz jaiynda jaqsy pikir qalyptassa deimin. Sondyqtan da bul igi iske óz úlesimdi qosýdamyn, – deidi erikti Aidana Esirkep.
