Eki "Altyn doptyń" iegeri Ronaldino tergeý izoliatorynda jarty jyl otyrýy múmkin.
Braziliialyq fýtbolshy aǵasymen birge Paragvaida jalǵan tólqujatpen ustaldy. Olardyń aitýynsha, qujatty ekeýine syiǵa tartqan jáne jergilikti biznesmenniń shaqyrýymen ushyp kelgen.
Paragvaidyń zańy boiynsha jalǵan tólqujat úshin aiyppul salynady nemese bir jylǵa sottaidy.
Ázirge tergeý júrip jatyr, al braziliialyqtardan segiz saǵat boiy jaýap alǵan. Olardy Paragvaiǵa shaqyrǵan kásipker áiel Dalii Lopestiń ustalǵany da belgili boldy.
Sýdia Ronaldinony tergeý kezinde bostandyqqa shyǵarýdan bas tartqan, óitkeni ol "memleketke qaýip tóndiretin qylmys jasady".
Degenmen basty sebep basqa ekenin bári túsinip otyr: aǵaly-inili birden Braziliiaǵa ushyp ketedi, al ol jaqtan Paragvaiǵa ekstraditsiia joq. Tipti Ronaldinony sot otyrysyna shaqyrtý da múmkin bolmaidy.
Sot aǵaly-inili tergeý aiaqtalǵansha qamaýda otyrady degen sheshim shyǵardy. Tergeý alty aiǵa sozylýy múmkin.
Braziliialyqtardyń qorǵaýshysy sottyń sheshimine shaǵym túsire alady: meditsinalyq qujattar usynyp, basqa sýdia suraýǵa múmkindik bar.
