Seisenbi kúni munai baǵasy 6 paiyzdan astam ósken, dep habarlaidy Reuters agenttigi.
Taqtatasty munai óndiretin amerikalyq kompaniialar OPEK-tiń jahandyq naryqqa ónimderin jetkizý sebebimen bolashaq óndirisin qysqarta alady.
Brent markaly munai baǵasy 2,31 dollarǵa (6,7 paiyz) qymbattap, barreli 36,67 dollar boldy. Sondai-aq WTI markili munai baǵasy AQSh-ta 1,79 (5,8 paiyz) dollarǵa qymbattap, barreli 32,92 dollar boldy.
Eske sala keteiik, dúisenbi kúni bul eki kórsetkish eń tómen deńgeige túsip, 1991 jyldyń 17 qańtarynan beri paiyzdyń eń úlken birkúndik tómendeýi tirkeldi.
Sarapshylardyń aitýynsha, munai baǵalary 25 paiyzdyq «qulaýdyń» ornyn toltyra almaidy, sebebi koronavirýstyń órshýi suranysty tómendetip otyr. Energiia tasymaldaýshylardyń baǵalary da kúrt tómendegen.
Exxon aktsiialarynyń baǵasy 12 paiyzdan astam kórsetkishke deiin tómendedi. Chevron aktsiialary 15 paiyzdan astam tústi.
