Álemdik jáne dástúrli dinder liderleri sezi XVIII hatshylyǵynyń jumys toby arnaiy qujatpen QR Tuńǵysh Prezidenti Nursultan Nazarbaevtyń eńbegin máńgi este qaldyrýdy usyndy, dep habarlaidy QazAqparat.
«Jumys tobynyń barlyq músheleri bir aýyzdan sezdiń (Álemdik jáne dástúrli dinder liderleri sezi) biregei ekendigin jáne onyń 2021 jyly Qazaqstan Respýblikasy Táýelsizdiginiń 30 jyldyǵymen tuspa-tus ótetindigin atap ótti. Qazaqstannyń Tuńǵysh Prezidenti Nursultan Ábishuly Nazarbaevtyń sezdi shaqyrýdaǵy, onyń ideialaryn álemdik arenada ilgeriletýdegi irgeli úlesi airyqsha atalyp ótildi», - dedi Álemdik jáne dástúrli dinder liderleri sezi XVIII hatshylyǵynyń otyrysynda QR Aqparat jáne qoǵamdyq damý vitse-ministri Marat Ázilhanov.
Osy oraida, vitse-ministr atalǵan jumys toby tarapynan Elbasynyń sezd jumysyn ilgeriletýdegi eren eńbegin arnaiy qujat arqyly máńgige este qaldyrý týraly usynys bolǵanyn aitty.
«Osynaý bastama aiasynda jumys tobynyń músheleri arnaiy qujattyń túri men formatyn oilastyrýǵa daiyn ekendikterin bildirdi. Atalǵan qujatty 2021 jyly ótetin 7-shi sezdte qabyldaýǵa bolar edi. Onda sezd avtory Nursultan Nazarbaevtyń osynaý biregei jahandyq tuǵyrnamamyzdy qurýdaǵy airyqsha róli kórinis tabady», - dedi M.Ázilhanov.
Aita keteiik, búgingi otyrysta Álemdik jáne dástúrli dinder liderleriniń VI Sez qorytyndylary men Hatshylyq qyzmetiniń keleshegi boiynsha pikir almasylýda. Sodan keiin 2021 jylǵy Álemdik jáne dástúrli dinder liderleriniń VII Sezin ótkizý boiynsha usynystar talqylanyp jatyr.
