Aýstraliia, Úndistan, Pákistan men basqa da elderde koronavirýs infektsiia órshýde. Bul týraly "Ult aqparat" bbc.com silteme jasap habarlaidy.
Djons Hopkins ýniversitetiniń málimeti boiynsha álemde koronavirýs juqtyrǵandar sany 8,4 mln adamdy qurady. 450 myńnan astam naýqas qaitys boldy
Qazirgi ýaqytta Latyn Ameriksy infektsiia taralý oshaǵyna ainaldy. Birqatar elde indettiń ekinshi tolqynynyń belgileri baiqalady.
Eýropa elderindegi jaǵdai
Google men Apple anaýqastarmen bailanysty baqylaýǵa kómektesedi
Britandyq úkimet beisenbi kúni Covid-19-dy juqtyrǵandarmen bailanysty qadaǵalaýǵa arnalǵan óz qosymshasynan bas tartty jáne onyń ornyna uialy telefondar naryǵynda ústemdik etetin amerikalyq Apple jáne Google kompaniialarymen birge jumys isteitin bolady.
Ulybritaniia – Eýropadaǵy koronavirýstan eń kóp zardap shekken el. Djons Hopkins ýniversitetiniń málimetteri boiynsha, 300 myńnan astam adam aýrýǵa shaldyqqa (álemde besinshi oryn) jáne 42,3 myń adam qaitys boldy (álemde úshinshi oryn).
Eýropadaǵy jaǵdai
Germaniiada eldiń soltústik-batysyndaǵy Giýterslohtaǵy qasaphanada koronavirýs aýrýy bastalǵannan keiin myńdaǵan adam karantinge jabyldy. Myńnan astam adam Covid-19 testileýinen ótti. 650 adamnan koronavirýs anyqtaldy. Testileýden ótý úshin birneshe myń adam kezekte tur.
Resei
Resei densaýlyq saqtaýdy baqylaý málimeti boiynsha elde koronavirýstan jumys kezinde virýs juqtyrǵan 489 dáriger qaitys bolǵan. Bul mamyr aiyndaǵy statistikamen salystyrǵanda óte kóp, ol kezde Covid-19-dan 101 meditsina qyzmetkeri qaitys bolǵan. Resei aýrý juqtyrǵandar sany boiynsha álemde úshinshi orynda, Sońǵy táýlikte anyqtalǵan 7790 oqiǵany qosa alǵanda 561 myń adam infektsiia juqtyrǵan.
Basqa elderdegi ahýal
Pákistanda Pendjab provintsiiasynyń birqatar qalasynda ishinara karantin engizildi. Provintsiiadaǵy halyq sany 100 mln adamnan asady. Sońǵy aptada keibir aýdandarda, atap aitqanda, Lahor ákimshilik ortalyǵynda koronavirýspen aýyrǵandar sany kúrt ósti. Pendjabtyń ózinde barlyǵy shamamen 60 myń koronavirýs juqtyrý jaǵdailary tirkelgen. Politsiia lokdaýn engizilgen aýmaqtardyń shekarasyn kúzetedi. Tek azyq-túlik dúkenderi men dárihanalar ashyq. Qoǵamdyq kólik jumys istemeidi, sondai-aq jeke avtokólikpen júrýge tyiym salynǵan. Pákistan biliginiń sheshimi boiynsha jańa jaǵdailardyń sany 300-ge jetetin jerlerde karantin engiziledi.
Úndistanda aýyrǵandardyń rekordtyq táýliktik kórsetkishi tirkeldi, 12 881 adam virýs juqtyrǵan. Delide infektsiia Densaýlyq saqtaý ministrinen anyqtaldy, buǵan deiin ol tynys alý qiyndap, dene qyzýy kóterilgenine shaǵymdanyp, dárigerge júgingen bolatyn. Mýmbaida myńdaǵan adam aýyryp qaldy. Alaida, osyǵan qaramastan, Úndistan ekonomikalyq sebepter úshin karantindi álsiretip otyr. Álemde syrqattanǵandar sany boiynsha Úndistan tórtinshi orynda. Elde 367 myńǵa jýyq adam aýyrsa, 12 myńnan astam naýqas qaitys boldy.
Qytai Covid-19-diń 28 jańa jaǵdaiy týraly habarlady. Onyń 21-i Beijińde tirkelgen. Ótken aptada el astanasynda aýrý órship, qalanyń iri azyq-túlik bazary aýrý oshaǵyna ainaldy. Buǵan deiin 57 kún boiy qalada aýrýdyń birde-bir jańa jaǵdaiy tirkelmegen edi. Qazir Beijińniń 30-ǵa jýyq aýdany karantinge jabyldy.
Avstraliiada da jańa jaǵdailar anyqtaldy. Halyq sany jóninen ekinshi orynda turǵan Aýstarliianyń Viktoriia shtatynda eki kúnde 18 adam aýyrǵan. Dárigerlerdiń aitýynsha, infektsiia birneshe kún buryn Jańa Zelandiiadaǵydai sheteldik týristerden emes, jergilikti halyqtan anyqtalǵan.
Latyn Amerikasy - Covid-19 oshaǵy
Djons Hopkins ýniversitetiniń málimeti boiynsha Perýde virýs juqtyrǵandar sany 241 myńǵa jetti. Perý – koronavirýstan eń kóp zardap shekken Latyn Amerikasyndaǵy Braziliiadan keiingi ekinshi el.
