Frantsiianyń PSJ fýtbol klýby 21 jastaǵy shabýylshy Kilian Mbappeni satýǵa daiyn somany atady, dep habarlaidy «The Sun» saity.
Mbappe PSJ-da 2017 jyldan bastap oinaidy jáne sodan beri komandada 124 match ótkizip, 90 gol soqqan. Parij quramasy sapynda úsh ret Frantsiia chempionatyn jeńip alyp, el kýbogi men Liga kýboginiń iegeri atandy.
Jyl basynda «CIES Football Observatory» zertteý ortalyǵy álemdegi eń qymbat fýtbolshylardyń jańartylǵan reitingin usyndy. Ol kezde birinshi oryn Mbappege tiesili boldy, onyń quny 265,2 million eýroǵa baǵalandy.
Basylymnyń málimetinshe, shabýylshy komandany ózgertkisi keledi jáne túrli usynystardy qarastyrýǵa daiyn. Sondyqtan PSJ ony 325 million eýroǵa baǵalady. Bul soma – fýtbol tarihyndaǵy rekordtyq soma. Kóptegen klýbtar 21 jastaǵy Kilian Mbappeniń quny asyra baǵalandy dep sanaidy.
«Real Madrid» úzdik oiynshyny alýǵa daiyn ekenin bildirdi. Ataqty klýbtyń basshylyǵy álem chempiony úshin tek 100 million eýro usynyp otyr.
Ázirge kelissózder júrip jatyr, eger mámile jasalsa, onda 325 million eýro tarihtaǵy eń qymbat aýdarym bolmaq.
