Ispandyq «Barselonanyń» shabýylshysy Lionel Messi Forbes jýrnalynyń nusqasy boiynsha álemdegi eń kóp tabys tabatyn sportshylar tiziminde birinshi orynǵa shyqty, dep habarlaidy "Ult aqparat".
2018 jyldyń maýsymynan 2019 jyldyń maýsymyna deiingi aralyqta fýtbolshy 127 mln dollar tabysqa kenelgen.
Ekinshi orynda bir jyl buryn jarnamalyq kelisimder arqyly argentinalyq sportshydan asyp túsken «Iýventýstyń» shabýylshysy Krishtianý Ronaldý (109 mln dollar) keledi.
Úshinshi orynǵa 105 mln dollar tabysqa qol jetkizgen «PSJ» shabýylshysy Neimar shyqty.
Tórtinshi orynda - boksshy Kanelo Alvares (94 mln.dollar), al tennisshi Rodjer Federer (93,4 mln. dollar) - besinshi.
Eń tabysty sportshylardyń ondyǵyna 89,5 jáne sáikesinshe 89,3 mln dollar tapqan amerikalyq fýtboldyń oiynshylary Rassell Ýilson men Aaron Rodjers, sondai-aq basketbolshy Lebron Djeims (89 mln), Stefen Karri (79,8 mln) jáne Kevin Diýran (65,4 mln) kirdi.
